Liña do tempo

Ola de novo!

Hoxe volvín para presentarvos un traballo sobre uns cantos inventos da historia mediante unha liña do tempo.

Para elo utilicei o programa line.do, que é bastante doado e sinxelo de utilizar. Permíteche ir engandindo novos apartados onde, unha vez dento deles, dáslles un título e unha data e podes falar sobre eles, poñer ligazóns, imaxes, vídeos, etc. Mellor explícovos os pasos a seguir por se alguén tamén quere facer unha liña do tempo:

1. Rexístraste coa túa conta de correo electrónico no programa que tiveras pensado. Eu, como xa dixen, utilicei line.do.
2. Tras iniciar sesión, dáslle a "Crear nova liña do tempo".
3. Despois da súa creación, asígnaslle un título, un subtítulo e un tema relacionado co contido da liña.
4. Unha vez feito, para empezar a traballar nela, dáslle a "Engadir un novo momento" para crear un apartado e comezar a súa edición.
5. Dentro del, asígnaslle unha data e un título ao igual que podes escribir un texto que o explique e acompañalo cunha imaxe ou un vídeo. Tamén ten a opción de inserir ligazóns.
6. Vas engadindo os apartados que vexas oportunos e que ti queiras xa que a súa extensión depende dos teus propósitos e a liña do tempo que tiveras pensado facer.
7. Unha vez a teñas finalizada, podes gardala e dáche a opción de publicala ou embebela. Se non a queres publicar aínda, xa que queres seguir traballando nela máis adiante, gárdase automaticamente.
8. Por último, se quixeras embebela, daslle a "Embeber" e aparecerá un código HTML co cal podes inserila no teu blogue e, deste xeito, compartila publicamente.

Na miña opinión, a verdade é que foi unha tarefa bastante interactiva e didáctica coa cal entretinme moito. Para ser a primeira vez que empregaba o programa non se me deu tan mal de levar e gustoume o resultado.

O tema, como xa dixen, vai sobre grandes inventos da humanidade; dende os principios máis humildes na Prehistoria, coa invención da trascendental roda, ata os tempos de hoxe, coa aparición de internet. Coido que aprendades del o que eu aprendín facéndoo así como que sexa do voso agrado.

Non alongo máis a cousa, só unicamente dicirvos que vos deixarei a liña abaixo desta introdución. Seica que nin cómpre dicir que agardo que vos guste e a disfrutedes. Ata a próxima!